كان بينا قصة خداع ابتدت بكلمة بحبك وانتهت بالوداع
بدأت وسط ناس كتير كانوا بيتكلموا ... وانا وهي زي اي اتنين على بعض بيسلموا
وفي مرة جت قالتلي خلاص ادايقت منهم ... قولتلها خلاص خلينا مع بعض ونبعد عنهم
اتكلمنا مع بعض كتير عن حياتي وحياتها .. ولوكنت اديها وقتي تديني هي اوقاتها
في يوم كنت فرحان فيه من اوله قالتلي كلمة بحبك .. ما لقيتش كلمة ارد بيها ولا لقيت شئ اعمله
كأن شوقي اتحبس في قلبي .. ولا قادر اعبر عن حبي
عدت علينا ثواني بيقولوا عليها ايام .. وانا وهي زي النور في عز الظلام
خلاص عليها يا قلبي نويت .. ولا عمرك في يوم غيرها حبيت
كانت بداية حبي ليها لما اتأكدت من قلبي .. عرفت اني ما اقدرش اعيش لو في مرة غابت عني
يوم تاني فرحت فيه اعتبرته سعدي وهنايا ...بس ما اعرفش انه هييجي يبقى جرحي في النهايه
يوم ما قولتلها .... بحبــك
كملنا قصة خداعنا... اللي قربت من وداعنا
ما كنتش مصدق اني حبيتها من غير ما اشوفها وابص في عينيها ... ولحد اللحظه ديه ولا عمري لمست ايديها
يوم زي الايام اللي فاتت كنت بضحك اوي ... شوفت حاجة غريبه تخليني احتار اوي
شوفت قمر بيكلمني .. بيقولي بحبك وما تبعدش عني
كنت بجد حيران منين القمر ده جاني .. اتاريها كانت صورتها وانا مش واخد بالي
وادي اخر يوم شوفت معاه الفرح .. يوم بعده ما لقيتش غير جرح
يوم ما قلبلته وقابلني ... يوم قربت وقرب هو مني
كان يوم في بينا ميعاد .. وقربنا البعاد
وقابلته واتهنينا وخرجنا واتمشينا . لكــن........
بنظره منه ما طمنيش وع الفرحه هو ما شجعنيش ... حتى كلمة السلام ما قالهاليش
عملت مش واخد بالي... وقولت اشوف حالي
** بعدها بدأت جروحي .. بدأت تنزل دموع روحي **
بدأ معايا يتغير .. وكلامه في حاجة تحير
وبطل يسأل عني وكأنه بيبعد عني
وكلمته آخر مرة وكنت محتاجله فيها .. رد عليا بطريقه ما احبهوش يتكلم بيها
قولتله كلمتين يمكن يحس بعذابي قولتله الله يسامحك... رجعت عاتبت قلبي وسألته مين دلوقتي يداوي جرحك
اصحابي صبروني بعد ما دمعت عيوني... وقولت بقا دي النهايه
طيب ليه هو يجرحني وببرود كده يدبحني
صاحبي قاللي كلمتين ..
اسمع مني الحقيقه .. لا تآمن لصنف بشر .. ولا تخدعك دمعه بريئه
قولت مش هبكي على حد تاني وكفاية الاولاني
قال بعد ما حبيته باعني .. فكرت فيه وهو بيخدعني
من كتر حبي فيها وقولتلها انتي قمر .. اتغرت وكبرت عليا وطلع قلبها حجر
مفيش يوم حست بيا .. لكن الجروح بتزيد فيا
يا ترى حد قبلي منها انجرح ... ولا انا اول ضحيه ؟؟
يا ترى كام واحد اندبح ... وفي كام واحده زي ديه ؟؟
كده بقا خلاص انا هرجع وسط الناس ... لكن مش اي ناس
دول ناس بيحبوني ..ناس عمرهم ما خانوني
ويا صاحبي هديك نصيحه خدها واسمعها مني ...
لآ تآمن لبني البشر ولا تصدق آي حاجة ... شوف مستقبلك دي الحياه مش محتاجه
وان احتجت في يوم نصيحه يا صاحبي انا موجود انا واصحابك معاك مش هتفرق بينا حدود
ادي كان حب وقصة خداع .. بدأت بكلمة بحبك وانتهت من غير وداع...
اوعى في يوم يا صاحبي تبكي ع اللي ضاع .. او حد جرحك وسابك وحدك في الاوجاع
الدنيا دي زي الشمس تمام هتمتعك بنورها شوية وتسيبك في ليل كله ظلام
تحياتـــىآ / فارس الكلام
موضوع: { قصة خداع بدأت بـ ( بحبك ) وانتهت من غير وداع } 
الأربعاء أبريل 23, 2008 8:36 pm
